മനാമയില് ഫോണ് ദുരുപയോഗം ചെയ്ത് വനിതാ ഉപഭോക്താവിനെ അപമാനിച്ച ഇന്ത്യക്കാരന് 12 മാസം തടവ്
ഫോണ് ദുരുപയോഗം ചെയ്ത് വനിതാ ഉപഭോക്താവിനെ അപമാനിച്ച പ്രവാസി മൊബൈല് ഷോപ്പ് ജീവനക്കാരന് 12 മാസം തടവ് ശിക്ഷ വിധിച്ച് കോടതി. 1000 ദിനാര് പിഴയടയ്ക്കാനും ഉത്തരവുണ്ട്. 32 കാരനായ ഇന്ത്യന് സ്വദേശിക്കാണ് ശിക്ഷ ലഭിച്ചത്. ഫോണ് ശരിയാക്കുന്നതിനായി ഇയാളുടെ ഷോപ്പില് ഏല്പ്പിച്ച യുവതിക്കാണ് ദുരനുഭവം ഉണ്ടായത്. ഫോണിലെ ചിത്രങ്ങള് കോപ്പി ചെയ്ത് തന്റെ ഫേസ്ബുക്ക് പേജിലൂടെ പ്രതി ഈ ചിത്രങ്ങള് അയച്ചുകൊടുത്തതായും അവഹേളിച്ചതായും കോചതി കണ്ടെത്തി. ഇതിനെ തുടര്ന്നാണ് യുവതി പരാതി നല്കിയത്. കഴിഞ്ഞ ജൂണ് 24നാണ് പരാതി നല്കിയത്. തടവിനു ശേഷം പ്രതിയെ നാടുകടത്താനും ഉത്തരവുണ്ട്.